【創意企劃3⃣：母親節獻禮 #小手畫大愛 ✍💗 】
20180513意義重大！媽媽第一次以媽媽身份慶祝母親節，梵高爸爸 ※ 新手日記 亦第一次聯同 Youth.Come，陪富泰邨小朋友👦👧 🎨 ，將心意送俾媽咪。我今次選擇喺屋邨義務教學，因為我也是屋邨長大的。
============================
小時候家境貧窮，眼光狹窄，亦無學畫畫的概念。5歲那年，買盒木顏色畫一兩幅畫🖼 然後放棄無再畫！仲有咩主題可以畫？點樣畫？仲可以用咩顏料？唔知！小學一年班，遇上一位嚴厲嘅美街科老師 (依家應該叫視藝科)，差唔多堂堂責罵我，水彩落太多水、鉛筆起稿太用力、畫動物畫得唔似，慢慢恐懼上美術堂 😢 亦刻意唔帶顏料上堂，寧願罰企。
直到11歲那年，大家姐帶我到畫室學素描，由環境光暗、物件結構、紋理學起，亦透過畫畫看世界，人生開始不一樣。
Form.5考完會考(👈對90後應該超陌生) 賺外快，最直接就係私人補習/教畫，由小琴行教起、到畫室。時薪愈來愈高，亦一步步進駐港島區小學/幼稚園、到中環某大型畫廊教綜合藝術。但U grad後全職投身廣告界太忙，慢慢放棄兼職做畫班導師。
============================
事隔8年的今日，忽然覺知，想重抬畫筆，想藉畫畫同小朋友互動。雖然時代已經大不同，怪獸家長催谷小朋友上興趣班，網上亦有海量YouTube教學；但身處香港另一端，仍有家庭沒有多餘錢供小朋友上興趣班。可能我身同感受吧！撫心自問，即使我畫畫造詣不深，但如果盡少少綿力，適當時我亦好樂意義教 😊
#分享愛 #我慶幸我是屋邨長大的
Search